Қоринчалараро тўсиқ нуқсони нима?

Қоринчалараро тўсиқ нуқсони-бу юракнинг қоринчалар орасидаги тўсиқдаги тешик. Бу энг кенг тарқалган туғма (яъни туғилиш пайтида мавжуд) юрак нуқсони бўлиб, кўпинча бошқа турдаги юрак нуқсонлари билан бирга келади. Кичик тешик бўлиши одатда симптомсиз бўлиб, даволанишни талаб қилмайди. Агар каттароқ тешик бўлса, қайтмас асоратларни олдини олиш учун нуқсонни бартараф этиш керак.

Юрак қандай ишлайди?
Юрак тўртта камерадан иборат. Қонни самарали отиб бериш учун камералар маҳкам изоляция қилинган. Бу нуқсон-буи золяцияни бузадиган омил ҳисобланади.

Одатда, ўнг қоринча кислородсиз қонни юракдан ўпкага ҳайдайди, шунда қон кислород билан бойитилади. Кейин қон юракка қайтади ва унинг юракдаги охирги тўхташи чап қоринча бўлиб, у бутун танага кислородга бой қонни ҳайдаб беради.

Қоринчалараро тўсиқ нуқсони чап ва ўнг қоринчалар орасидаги шунт (уланиш) вазифасини бажаради. Чап қоринчадаги босим ўнг қоринчадаги босимдан юқори бўлгани учун кислородга бой қон ўнг қоринчадаги кислородсиз қон билан аралашиб, кейин ўпкага киради. Бу ўпкада қон миқдорининг кўпайишига олиб келади. Бу эса жиддий муаммоларни келтириб чиқариши мумкин.

Кўп бериладиган саволлар

Диагностикаси
Қоринчалар аро тўсиқ нуқсони ташхислашда, Аускултация – яъни фонендаскоп ёрдамида юракни эштиб кўриш орқали амалга оширилиши мумкин. Аускултацияда юрак сохасида қўпол шовқин эштилади.

Барча юрак нуқсонига шубха қилинган беморлар юрак УТТ (ЭхоКГ) текширувидан ўтқазилиши шарт. ЭхоКГ юрак нуқсонларини аниқлашда олтин стандарт хисобланади.
Товуш тўлқинлари ёрдамида дефектнинг тури, юзага келиши мумкин бўлган асоратларини бахолаш имконини беради. Текшириш хеч қандай асоратлари йўқ.

Юрак катетеризцияси: Бу инвазив текшириш методи бўлиб, дефектни ўпка гипертензияси билан асоратланган холатларда даволаш тактикасини аниқлаш мақсадида амалга оширилади.

Даволаш

Даволаш бевосита дефектнинг жойлашган жойига ва ўлчамига боғлиқ. Кичик ўлчамли мушакли қисмда жойлашган дефектлар бола 5 ёшигача ўз ўзидан ёпилиб кетиши мумкин. Агарда мембранали қисмда жойлашган бўлса, кичик ўлчамли асоратланмаган дефектлар бола 3 ёшга тўлгандан кейин хеч қандай шикоят бўлмаса ҳам ёпиш тавсия қилинади. Агарда беморда катта ўлчамли дефект аниқланадиган бўлса у холда юрак функционал ҳолатига қараб 6 ойлик бўлгунга қадар ёпиш тавсия қилинади.

Дефектларни бартараф қилишнинг асосий 2 ҳил методи бўлиб:

Дефектларни томир орқали транскатетер беркитиш:Бу амалиёт асосан кичик ўлчамли ≥8 см дефектлар учун асосий даволаш методи ҳисобланади. Дефект маҳсус девайс “Окклюдер” билан ёпилади. Амалиёт маҳаллий оғриқсизлантириш остида қилинади, бола амалиётнинг эртасига уйга кетишга рухсат берилади.

Очиқ жаррохлик методи: Бу умумий оғриқсизлантириш остида амалга оширилиб, юрак вақтинча тўхтатилади ва сунъий қон айлантириш аппаратига уланади. Дефект сохасига маҳсус ёмоқ билан беркитилади.

Амалиётнинг ҳавфли томонлари ва асоратлари?

Асоратлар даражаси дефект турига, боланинг ёшига, умумий ахволига, даволаш методига қараб ўзгариши мумкин. Томир орқали дефектни бартараф қилишда асоратлар ҳавфи 2% дан ошмайди. Очиқ жаррохлик усулида эса 5-7% ни ташкил қилади.

Амалиётдан кейин 1-2% беморларда юрак импулс ўтқазиш тизимида муоммолар юзага келиши ва махсус электрастимулятор имплантация қилиш зарурурати туғилиши мумкин.

Реаблитацияси:

Томир орқали амалга оширилган холатларда беморларнинг тикланиш даври жуда қисқа бўлиб, 2-3 кунда уйга рухсат берилади. 2 хафтадан кейин одатий ҳаёт ритмига қайтадилар.